To Read the below malayalam entry please download manorama font from below link
http://www.manoramaonline.com/mmfont/Manorama.ttf
മറയുന്ന സന്ധ്യകള്‍ അറിയുന്നുവോ എന്‍
മനസ്സില്‍ നിറയുന്ന നെടുവീര്‍പ്പുകള്‍
ഇരുളുന്ന രാവില്‍ പൊലിയുന്നുവോ
ഈ വരളുന്ന നോവിന്റ്റെ വിരഹാര്‍ദ്രത
കണ്ടു ഞാന്‍ നിന്‍ കണ്ണില്‍ ആയിരം
കിരണങ്ങള്‍ ഒന്നിച്ച് കത്തിച്ച ആദിത്യനെ
കേട്ടു ഞാന്‍ നിന്‍ ചുണ്ടില്‍ ഒരു കുയില്പാട്ടു പോല്‍
മധുരം ചാലിച്ച എന്റ്റെ നാമം
കാണാത്ത കാഴ്ചകള്‍ കാണാന്‍ പഠിപ്പിച്ചു
എന്നിലെ എന്നെ നീ തൊട്ടുണര്‍ത്തി
കരയുന്ന നേരമെന്‍ കൈകളായ് മാറി നീ
കരളിലെ തന്ത്രി തന്‍ നാദമായ്
ചൊല്ലുക കാറ്റേ, അവളെന്നുമെന്നും
തുടിക്കുമീ ഹ്രദയത്തില്‍ ഉണ്ടായിടും
മരണത്തെ നേരിട്ടു കാണുമാ നേരത്തും
എന്നുള്ളില്‍ അവളെന്നും ഉണ്ടായിടും
No comments:
Post a Comment